Rhinotillexomania

Jahérna…

Það er hægt að finna upplýsingar um ótrúlegustu hluti ef maður bara nennir að leita! Ég get þó ekki sagt að ég hafi sérstaklega verið að leita eftir eftirfarandi upplýsingum hehe… rakst á þær fyrir tilviljun!!

Vissuð þið að fyrir nokkrum árum var framkvæmd rannsókn á iðju þeirri sem á fræðimáli kallast “rhinotillexomania”. Eða á mannamáli; Að bora í nefið!

Ef heimild mín fer með rétt mál þá má lesa eftirfarandi úr niðurstöðum rannsóknarinnar:

8.7% segjast aldrei hafa borað í nefið (Þ.e. þeir eru að ljúga, þeir hljóta a.m.k. að hafa gert það sem smákrakkar!)

91% segjast einhverntíma hafa borað í nefið og gera það stundum enn. Samt töldu aðeins 49.2% svarenda að það að bora í nefið væri algengt meðal fullorðinna.

9.2% segjast bora í nefið “meira en í meðallagi" .

25.6% bora í nefið daglega, 22.3% gera það 2 til 5 sinnum á dag og þrjár manneskjur viðurkenndu að gera það a.m.k. einu sinni á hverjum klukkutíma.

55.5% eyddu 1-5 mínútum, 23.5% eyddu 5-15 mínútum og 0.8% eyddu 15-30 mínútum á hverjum degi við að grafa eftir gulli. Aðeins einn sagðist eyða a.m.k. 2 klukkustundum á dag við þessa iðju (alvarlegt “keis” af rhinotillexomania).

18% sögðust fá blóðnasir á meðan á þessu stóð, 0.8% sögðust hafa rofið skilvegginn á milli nasanna við þessa iðju (Ááááa).

82.8% sögðust tilgang þess að bora í nefið vera til að hreinsa það, 66.4% sögðu hann vera til að losa um óþægindi eða kláða, 35.7% til að forðast að hor hangi út um nasirnar, 34.0% vegna hreinlætis og 17.2% boruðu í nefið af gömlum vana. 2.1% sögðust bora í nefið einfaldlega vegna skemmtanagildis iðju þessarar (gaman hjá þeim!).

65.1% sögðust nota vísifingur, 20.2% litlafingur en 16.4% þumalinn til að bora í nefið.

Flestir (90.3%) sögðust losa sig við “gullið” í tissjú eða vasaklút á meðan 28.6% sögðust nota gólfið en 7.6% sögðust klína því á húsgögn (p.s. ekki velkomnir í heimsókn til mín).

8% svarenda sögðust að lokum gæða sér á fundinum. Samkvæmt niðurstöðum rannsóknarinnar þá smakkast hann bara nokkuð vel (ekki það að ég viti neitt um það… til að hafa ALLT á hreinu!).

Fróðlegt??? Góð spurning hehe : ) Mér finnst það þó nokkuð merkilegt að einhverjum hafi dottið þessi rannsókn í hug!

Allavega… Svona rétt til að vera viss um að þið fenguð ykkar ráðlagða dagsskammt af gagnlegum upplýsingum hehe :)

Ola, Katlína

P.S. fyrir þá sem hafa áhuga á að lesa sér frekar til um þessa rannsókn:

Jefferson, J.W. og T.D. Thompson, 1995. Rhinotillexomania: Psychiatric Disorder or Habit? The Journal of Clinical Psychiatry 56(2): 56-59.