Fiskaklám???

Í morgun hélt ég fyrsta nemendafyrirlestur minn þennan veturinn og gekk það bara nokkuð vel. Ég var nokkuð stressuð yfir að þurfa að halda hann á ensku, flaug í hug að halda hann kannski á íslensku en mig grunar að það hefði nú fallið í nokkuð grýttan farveg! En þetta gekk bara mjög vel fyrir utan einstaka hik þegar ég allt í einu gleymdi hvar ég væri stödd og fann hjá mér þörf fyrir að segja eitthvað á íslensku en áttaði mig svo á að ég væri ekki á lengur klakanum hehe :).... (Það kemur mjög oft fyrir... ótrúlegt hvað manni getur stundum fundist eðlilegt að allir geti skilið mann þegar maður talar sitt eigið móðurmál!!)

Ég hélt fyrirlestur um áhrif ákveðins mengandi efnis á lífeðlisfræði og kynhegðun gullfiska, mjög spennó :) Nema hvað að þegar ég fjallaði um mismunandi kynhegðun fiskanna, hvernig karldýrin ýta í kellurnar o.s.frv. fór einn áheyrandinn, einhver stelpa, að brosa óheyrilega mikið og tísta inn á milli. Gerði það að verkum að ég átti í mesta basli við að halda aftur að mér og hlæja ekki líka hehe :) (sama mátti segja um alla hina)

Það var ekki fyrr en eftir fyrirlesturinn að hún sagði mér að þegar ég fjallaði um mismunandi kynhegðun fiskanna, hvernig rannsakendurnir eitruðu fyrir þeim, og tóku svo kynhegðun þeirra upp á myndband til að fylgjast með þá hafi hún ekki getað annað en ímyndað sér að ég væri að tala um fiskaklám! Hahaha... þetta fólk... eiga að vera vísindamenn hehe :)
Ég sé samt alveg núna hvað hún átti við ;)

Allavega... eftir að vera búin að spekúlera í fiskaklámi í nokkra daga þá er er ég alveg tilbúin til að skella mér í að eltast við gervidýrin, fljúgandi leirdúfur :)

Hasta la vista ;)

ze´Kat