Ómandi kjölturakki

Jæja nú skulda ég ykkur sennilega uppfærslu þar sem liðin er næstum heil vika síðan bloggað var síðast!

Undanfarna daga hefur dvalið hjá mér sérkennilegur húsgestur sem birtist óvænt í dyrunum mínum síðastliðinn laugardag og sagði: "Hæ ég er komin í heimsókn! Ég er líka svöng. Mat takk!!!!". Var gestinum fljótlega færður matur: Doritos snakk og súkkulaðikökur og var síðan tekið til við að dekra viðkomandi! Þetta var hún Dagga heimshornaflakkari að kíkja í heimsókn til mín á leið sinni heim á klakann frá Barcelona.

Nei nú er ég að skreyta frásögnina eilítið (sem ég náttla geri aldrei!!!!) :) Döggu uberbeibi var að sjálfsögðu boðið að kíkja á staðinn (eða dregin hingað öllu heldur hehe) og var sérlega gaman að fá hana í heimsókn :) Var kíkt í bæinn og litið á ýmsa sögufræga staði (sem og síður merkilega staði), sofið, etið og súpt af ýmiskonar forvitnilegum veigum meðan á dvöl hennar stóð ;) Vakti hún líka mikla lukku hér hjá íbúum hússins með ýmsum sniðugum kommentum og látbragðsleikjum! Undir lok heimsóknarinnar var hún líka svo indæl að skilja eftir úrval eðaltónlistar í "kjölturakkanum" mínum (tölvunni), eigandanum til mikillar lukku! En hingað til hef ég orðið að láta mér nægja eigið garnagaul og söng grannanna í sturtu sem músíkalska uppliftingu :) Ég læt hér fylgja með nokkrar myndir frá heimsókninni.

Dagga mín, það var rosalega gaman fá þig í heimsókn :)

Kveðja,
Klakagellan